قصه الداعيه المشهور مع الغرب الكفره…

27 أبريل

التاريخ 2/11/2011

المكان مملكه النرويج

بدأت القصه بالتويته دي… http://t.co/g13CAod:

اقرا القصه بروايته وبعدين اقرأ الباقي. هو كداب وبيبث الصوره المشوهه عن الاسلام لما قريت له التويته بالصدفه فيها كلمه نرويج بدون تفكير قررت اساعده بما اني عايشه هنا،كتبت له انه ممكن يتصل بي وكتبت رقمي, رد عليا في دي ام علي تويتر يقولي انه مايقدرش يكلمني لان مافيش تليفون في الفندق اللي جنب المطار ف اوسلو وهيكلمني او اكلمه ع سكيب،طبعا دي اول كدبه لانه بيتكلم علي بلد اخدت المركز الاول علي مستوي العالم الاول ف العالم في مستوي الدخل والمعيشه وانا عايشه هنا ١٠ سنين مش بيكلم عن كفر مصيلحه يعني،المهم قلت يمكن انا فهمت غلط وكلمته علي سكايب برضه حكي لي الهرتله دي مع شويه تحابيش من عنده زي ان فريق الطياره قسموا نفسهم مجموعات تكلم الركاب وهما بيشاوروا عليه وبعدين الكابتن اتكلم في الميكرفون عليه انه مسلم عربي بمعني انه ارهابي وكلام عبط لا يمكن يحصل في النرويج اللي فيها مضيفات محجبات, ولا في الحلم ده يحصل لان ببساطه كانوا ممكن مايدولوش تاشيره من الاول يعني وهنا اكبر عدد من المسلمين اللاجئين ف اوروبا والستات بتروح الشغل بالحجاب والمساجد كتير وبياخدوا اجازات زياده عن النرويجين في الاعياد طبعا وانا بكلمه لاقيت تعليقات مقرفه زي الموت للكفره واعداء الاسلام واهانو شيخنا وهو كان في نيته يستغل الكلام ده اسوء استغلال, قلت له انا هاكلمهم لان هنا القانون علي الكل بيجرم العنصريه ،رفض وقالي لا ،طبعا انا قررت اني اكلم ساس

واعرف التفاصيل عشان لو له حق اساعده وخصوصا اني في حزب و مجلس المحافظه وبكتب في جريده, ومش عاجبني القصه،اتصلت بساس وعرفتهم بنفسي وليه بسال فوصلوني بكابتن ومضيفه الطياره وادوني ارقام بعض الركاب. اتضح في النهايه ان الباشا اللي بيقول انه بيسافر كتير اول ماقعد قبل الاقلاع فرد ضهر الكرسي وشغل الكمبيوتر وانجعص وده مخالف لقانون الطيران ف كل الدنيا،جت المضيفه طلبت منه يطفي الجهاز رفض وقفل الغطا وطبعا كل الاجهزه لازم تبقيoff ساعه الاقلاع والهبوط،رجعت تاني لقته لسه منور. طلبت منه تاني يطفيه زعق وقالها انه فاتح ملفات كتير ولازم يقفلها واحده واحده وطبعا لازم الركاب كلهم يتعطلوا ويستنوا. فضلت المضيفه واقفه لحد ما قفل كل البرامج واخدت منه الجهاز وحطته فوق وطبعا هو عمال يتكلم عن العنصريه واضطهاد الاسلام بصوت ازعج الركاب وخصوصا اللي جنبه وراحت المضيفه تبلغ الكابتن انهم يقدروا يطلعوا وعلي مارجعت كان فتح الموبايل وماسكه فوفقت تكلمه وتقوله ان الاجهزه كلها ممنوعه عند الاقلاع وطلبت منه يقفله فزعق وانفعل ودخل موضوع العنصريه ف الموضوع، ايه بقي علاقه العنصريه بقوانين الطيران واحترامها؟؟. وطبعا هو واتباعه بيصوروا للناس ان اللي حصل ده اضطهاد للاسلام وحقد الغرب، والحق احق ان يتبع وعيب تبقي شيخ وبتعلم االناس وتكدب،. ادي الموضوع ف اكبر جريده نرويجيه http://t.co/TLRTr1I.

وهو بيترجمه غلط،الكدب هنا حاجه مقززه الناس دي مقرفه، وهو لم نفسه واخد حذره هو بيكتب ايه بعد ماعرف اني هفضحه ومش هسكت علي كدبه, بعد كده حصل موضوع خناقته مع القمني وكتب التويته دي فلما عملت لها ريتويت, بعت لي دي ام قالي سلاما علي اساس اني جاهله يعني!!اوكي ممكن اكون جاهله لكن مش بنصب و اكدب باسم الدين و اشوه صوره الاسلام. الناس دي بتضر الاسلام قبل مابتضر نفسها و بتخسر احترام الشعوب الغربيه

طبعا انا عارفه انا هتشتم اد ايه, بس عادي جداااااااا

Advertisements

رد واحد to “قصه الداعيه المشهور مع الغرب الكفره…”

  1. ziada100 أغسطس 8, 2012 في 8:07 م #

    بجد احنا لازم نتبع الاسلام مش كلام بس لازم يكون اخلاقنا تدل علينا مش نبقى همج وكدابين والله العظيم الاسلام عمره ما قال كده لازم نحترم القوانين شكرا ليكى ايمان على التوضيح

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: